 |
| ဆိုင်သစ်ရဲ့ အပြင်အဆင် |
Foodaholic က Admin တွေဆီကို ဖိတ်စာရောက်နေတာ ကြာပြီ။ မနက် အိပ်ရာနိုးမှ ကောက်ခါငင်ကာ သတိရသွားတတ်တာ Admin T ရဲ့ အကျင့်။
ဒီနေ့ မြန်မာပလာဇာ၊ တတိယထပ်မှာ The Pizza Company ဆိုင်ခွဲသစ်ဖွင့်ပွဲ ရှိတယ်ဆိုတာ သတိရမိချိန်က နေ့လည် ၁၀ နာရီကျော်နေပြီ။ ပွဲက ၁၁ နာရီမှ စမှာမို့ ကမန်းကတန်း မောင်းပြေးရတယ်။ Admin N လည်း သတိကောင်းတော့ လာနေပြီလား ဖုန်းဆက်မှ ပွဲက ဘယ်အချိန်လဲတဲ့။ ဒါဆိုလည်း ချိန်းဖို့ မမီနိုင်တော့လို့ တစ်ယောက်တည်း ဒိုးလိုက်တော့မယ်ဆိုပြီး Admin T ပဲ ထွက်လာခဲ့လိုက်တယ်။ မနက် ၁၁ နာရီဝန်းကျင်ဆိုတော့ ကားတော့ အတော်ရှင်းသား။
 |
| ဒီနေ့ ဆိုင်ခွဲသစ်ဖွင့်ပွဲအတွက် ဖိတ်ကြားလွှာ |
The Pizza Company နဲ့ အတူ အမြဲတွေ့ရတတ်တဲ့ Swensen's Icecream & Sandaes ဆိုင်ကိုလည်း တစ်ခါတည်း ဖွင့်လှစ်ကြောင်းမိတ်ဆက်ပွဲအခမ်းအနားမှာ တွေ့ရတယ်။ ပွဲက မနက် ၁၁ နာရီကနေ နေ့လည် ၂ နာရီထိ မို့ နည်းနည်းတော့ ရှည်လျားပေမယ့် အစားအသောက်တစ်ခုချင်းစီကို အရသာခံ စားသုံးဖို့အတွက်တော့ လုံလောက်တဲ့ အချိန်ရတယ်လို့ပဲ မှတ်ယူပါတယ်။
 |
| ကားပါကင်မှာကတည်းက စပြီးမြင်နေရတဲ့ ကြော်ငြာတွေ |
ကျွန်တော်က ပီဇာစားရင် အသားထူထူ စားရတာ အားရတယ်။ Pizza Company ရဲ့ ကွဲပြားချက်ကလည်း အသားထူထူးနဲ့ ဝဝ စားနိုင်တာ။ ဒါကတော့ အကြိုက်တူသူ ကွဲသူ ရှိနိုင်တယ်။ တချို့လည်း ပီဇာ စားရင် ပါးပါးပြားပြားမှ ကြိုက်ကြတယ်။ တစ်မျိုးစီပေါ့။
The Pizza Company မှာက Pizza ကြီးပဲ ရောင်းတာမဟုတ်ပါဘူး။ Pasta, Spaghetti, Appetizers နဲ့ Salad တွေပါ ရပါတယ်။ ဒီနေ့ အခမ်းအနားကိုရောက်တော့ ကျွန်တော်တစ်ယောက်တည်း တစ်ဝိုင်းထိုင်ရတာမျိုး ဖြစ်နေတဲ့အတွက် ပထမဦးဆုံး မြည်းစမ်းခွင့်ပေးတဲ့ Caesar Salad ကို ကောင်းကောင်းမြည်းစမ်းခွင့်မရခဲ့ဘူး။ ဝိုင်းထဲ ဘယ်သူ လာဦးမလဲ အားနာပြီး စောင့်နေရတာနဲ့ မစားဖြစ်လိုက်ဘူး။ Dressing စမ်းပြီးကာမှ နောက်ကျရောက်သူရှိရင် စားမကောင်းမှာ စိုးလို့လေ။ နောက်ထပ် ကြက်တောင်ပံကြော်ကို Sweet & Sour Sauce လေးနဲ့ စမ်းထားတဲ့ ဟင်းအမယ်ရယ်၊ ကြက်တောင်ပံကင်ရယ်ကိုလည်း မြည်းစမ်းခွင့်ရပါသေးတယ်။ ကျွန်တော်ကတော့ ရိုးရိုးကြက်တောင်ပံကင်ကို ပိုသဘောကျမိတယ်။ နောက်ဆုံးမှာ Pizza Company ရဲ့ Seafood Pizza ကို မြည်းစမ်းခွင့်ရပါတယ်။ ရောင်းတမ်းမှာတော့ ဘယ်လိုနေမယ် မသေချာပေမယ့် ခု အခမ်းအနားမှာ ကျွေးတဲ့ Seafood Pizza က တကယ့်ကို Seafood စုံစုံလင်လင်ရှိတာ သတိပြုမိတယ်။ ပုဇွန်၊ ကင်းမွန်၊ ဂုံး၊ စသဖြင့် တော်တော်လေး စုံစုံပါဝင်တယ်။ Double Cheese လေးနဲ့သာစားလိုက်ရရင် သိပ်ကောင်းမှာပဲ။ ဘေးဘက်ကိုတော့ ကြက်အူချောင်းလေးတွေနဲ့ ရံထားပါတယ်။
 |
| ပထမဆုံးတည်ခင်းဧည့်ခံတဲ့ Garlic Bread နဲ့ Caesar Salad |
 |
| ကြက်တောင်ပံကြော်ကို Sweet & Sour Sauce နဲ့ |
 |
| ကြက်တောင်ပံကင် (BBQ Chicken Wings) |
 |
| Seafood Pizza |
ဒီနေ့တော့ အချိန်ကြာကြာနေဖို့ အဆင်မပြေတာနဲ့ပဲ စောစောထပြန်ခဲ့လိုက်တယ်။ The Pizza Company နဲ့ Swensen's တို့ရဲ့ ပရိတ်သတ်တွေက သူ့ဟာသူ ရှိပြီးသားရယ်။ ခုတော့လည်း မြန်မာပလာဇာ တတိယထပ်ကို ရောက်လာပြီဆိုတော့ Shopping ပတ်ရင်း ဝင်စားဖို့ အဆင်ပြေသွားရပြန်ပြီပေါ့လို့ပဲ တွေးမိလိုက်ပါတယ်။
ကျွန်တော်တို့တွေ အစားအသောက်ချစ်သူများအတွက် ကျွန်တော်တို့ ခံစားမြင်တွေ့သုံးဆောင်ရတဲ့အတိုင်း ရေးသားပေးနေကြပါတယ်။
No comments:
Post a Comment